Faru krucosignon kaj eldiru, aŭ elpensu, la nomon de la mistero. Meditu ĝin iomete en silento. (Enkadre de la Kunviva Rozario en Esperanto, antaŭ ol mediti la misteron, oni povas, ekzemple, diri la nomojn de ĉiuj 19 aliaj membroj.)

Aliaj sugestoj kiel estiĝi komunece kun la aliaj.

Poste

Patro nia (1-foje)     aŭskultu - (mp3 266 Kb)

Patro nia, kiu estas en la ĉielo,
sanktigata estu via nomo.
Venu via Regno.
Fariĝu via volo,
kiel en la ĉielo tiel ankaŭ sur la tero.

Nian panon ĉiutagan donu al ni hodiaŭ
kaj pardonu al ni niajn ŝuldojn,
kiel ankaŭ ni pardonas al niaj ŝuldantoj.
Kaj ne konduku nin en tenton,
sed liberigu nin de la malbono.

Amen.

Saluton Maria (10-foje)   (mp3 183 Kb)

Saluton, Maria, gracoplena,
la Sinjoro estas kun vi.
Benata vi estas inter la virinoj
kaj benata estas
      la frukto de via sino, Jesuo.

Sankta Maria, Dipatrino,
preĝu por ni pekuloj
nun kaj en la horo de nia morto.

Amen.

Gloro (1-foje)   (mp3 98 Kb)

Gloro al la Patro,
kaj al la Filo,
kaj al la Sankta Spirito,

kiel estis en la komenco,
tiel nun kaj ĉiam,
kaj en eterno. Amen.

Fine, oni povas aldoni la preĝon de Fatima:

Ho Jesuo, pardonu al ni niajn pekojn, gardu nin kontraŭ la infera fajro, konduku ĉiujn animojn en la ĉielon, precipe tiujn, kiuj plej multe bezonas vian mizerikordon.

(mp3 142 Kb)

aŭ de sankta Francisko antaŭ la Kruco de Sankta-Damiano

Ho Dio granda kaj glora,
mia Sinjoro, Jesuo Kristo,
disblovu, mi petas, la mallumojn de mia spirito,
donu al mi profundan humilecon,
fidon puran,
esperon firman,
amon ardan,
faru ke mi konu Vin, ho mia Dio,
kaj ke mi faru ĉion laŭ via sankta Volo.

(mp3 142 Kb)